- Get link
- Other Apps
តាមការប៉ាន់ស្មានរបស់អង្គការសុខភាពពិភពលោក (WHO) ចំនួនអ្នកឆ្លងរលាកថ្លើម C លើពិភពលោក បច្ចុប្បន្ននៅកម្រិតប្រហាក់ប្រហែលពី២៥០ ដល់៣០០ លាន នាក់ ។ អត្រានេះកំពុងកាន់តែកើនឡើង ពិសេសនៅបណ្តាប្រទេសមិនសូវរីកចម្រើន បណ្តាប្រទេសទ្វីបអាស៊ី ទ្វីបអាហ្វ្រិក និងកំពុងក្លាយជារោគរាតត្បាតធំលើក្របខ័ណ្ឌសកលលោក (រាល់ឆ្នាំចំនួនអ្នកឆ្លងជំងឺ គឺ៣-៤លាននាក់)។
១-ម្តាយមានជំងឺរលាកថ្លើម C អាចចម្លងទៅកូនឬអត់?
គ្រោះថ្នាក់ចម្លងរោគថ្លើម C ពីម្តាយទៅកូនមិនខ្ពស់ឡើយ គឺប្រមាណតែ ៦ភាគរយ ។ គ្រោះថ្នាក់អាចកើនសមាមាត្រស្របជាមួយបរិមាណវីរុស រលាកថ្លើម C ក្នុងឈាមម្តាយ ហើយម្តាយកើតបន្ថែមជំងឺឆ្លងផ្សេងៗ។ ៤០-៥០ភាគរយ ករណីចម្លងប្រព្រឹត្តឡើងក្នុងពេលមានគភ៌។ ការជូតសម្អាតឈាមឱ្យទារកក្រោយពេលកើតឱ្យបានស្អាតក៏បន្ថយបាន គ្រោះថ្នាក់ចម្លងជំងឺ។ ម្តាយមានជំងឺរលាកថ្លើម C នៅតែអាចឱ្យកូនបៅដោះធម្មតា ព្រោះបរិមាណវីរុសក្នុងទឹកដោះម្តាយ មិនបង្កគ្រោះថ្នាក់ចម្លងឱ្យកូន ហើយប្រព័ន្ធរំលាយអាហាររបស់ក្មេង មានលទ្ធភាពបំផ្លាញគ្រោះថ្នាក់ចម្លងវីរុស។
២-ជំងឺរលាកថ្លើម C កំពុងក្លាយជារោគរាតត្បាត?
ត្រឹមត្រូវដូច្នេះមែន តាមការប៉ាន់ស្មានរបស់អង្គការសុខភាពពិភពលោក(WHO) ចំនួនអ្នកឆ្លងរលាកថ្លើម C លើពិភពលោកបច្ចុប្បន្ននៅកម្រិតប្រហាក់ប្រហែលពី២៥០ដល់៣០០ លាននាក់ ។ អត្រានេះកំពុងតែកើនឡើងពីមួយថ្ងៃទៅមួយថ្ងៃ ពិសេសនៅ បណ្តាប្រទេសមិនសូវរីកចម្រើន បណ្តាប្រទេសទ្វីបអាស៊ី ទ្វីបអាហ្វ្រិក និងកំពុងក្លាយជារោគរាតត្បាតលើក្របខ័ណ្ឌពិភពលោក (រាល់ឆ្នាំចំនួនអ្នកឆ្លងជំងឺគឺ៣-៤លាននាក់)។ ពួកជំនាញការរោគរាតត្បាតឱ្យដឹងថា រលាកថ្លើម C ជាជំងឺឆ្លងមួយក្នុងចំណោមជំងឺឆ្លងគ្រោះថ្នាក់បំផុត ព្រោះពេលបានឆ្លង វានឹងបន្សល់ទុកនូវផលវិបាកធ្ងន់ធ្ងរ ហើយជាង៧០ភាគរយ នៃចំនួនអ្នកឆ្លងមិនដឹងថាខ្លួនមានជំងឺរលាកថ្លើម C ខ្វះការបង្ការ កាន់តែធ្វើឱ្យកើនគ្រោះថ្នាក់ចម្លងឱ្យអ្នកដទៃ។ តាមការសិក្សាស្រាវជ្រាវមួយនៅប្រទេសទ្វីបអាស៊ី មួយចំនួនមានដល់៨៧ភាគរយ នៃអ្នកជំងឺរលាកថ្លើម C មិនដឹងថាខ្លួនកំពុងមានជំងឺ។ រលាកថ្លើម C នៅត្រូវបានហៅថា "ឃាតកសម្លាប់មនុស្សដោយស្ងៀមស្ងាត់" ទើបត្រូវបានរកឃើញនៅឆ្នាំ ១៩៨៩ បង្កឡើងដោយវីរុស Hepatitis C ជាមួយនឹង ១១អម្បូរផ្សេងៗគ្នា ។ ជាមួយនឹងលទ្ធភាព "បំបាំងកាយ" របស់ខ្លួន វាងាយស្រួលបញ្ឆោតប្រព័ន្ធអង្គបដិបក្ខរបស់សរីរាង្គមនុស្ស លុកលុយចូលកោសិកាថ្លើម បង្កការរលាក និងធ្វើឱ្យក្រិនថ្លើម។
៣-ការស្តែងចេញរោគសញ្ញាពេលឆ្លងរលាកថ្លើម C
ខុសពីការស្តែងចេញរោគសញ្ញាពេលត្រូវឆ្លងរលាកថ្លើម A , B - ស្បែកលឿង ភ្នែកលឿង ជាង៧០ភាគរយ ករណីរលាកថ្លើម C ខ្លាំង ពុំមានរោគសញ្ញាពិសេសប្រមាណ៣០ភាគរយ មានរោគសញ្ញាពុំច្បាស់លាស់ ដូចជារោគសញ្ញារបស់គ្រុនផ្តាសាយ។ ដូច្នេះហើយ ស្ទើរតែទាំងអស់នៃករណីឆ្លងរលាកថ្លើម C ត្រូវបានរកឃើញ គឺពេលមានរោគសញ្ញាធ្ងន់ធ្ងរ។ ក្រោយពេលត្រូវឆ្លងវីរុសរលាកថ្លើម C រយៈពេលសម្ងំជំងឺតែងអូសបន្លាយពី២ ដល់២៦ សប្តាហ៍ - នេះជាដំណាក់កាលឆ្លងបន្ទាន់។ ជំងឺអាចជាដោយខ្លួនឯង ក្រោយប៉ុន្មានសប្តាហ៍ ឬ ៦ខែ។ ប៉ុន្តែមានដល់៨០ភាគរយ ចំនួនអ្នកឆ្លងវីរុស C មិនកម្ចាត់ចេញជំងឺបានដោយខ្លួនឯង និងក្លាយជារលាកថ្លើម C រ៉ាំរ៉ៃ ។ វីរុសរលាកថ្លើម C ជាជំហានៗបំផ្លាញកោសិកាថ្លើមដោយស្ងៀមស្ងាត់ ហើយក្រោយរយៈពេល១០-៣០ឆ្នាំ មានដល់៣០ភាគរយ ចំនួនអ្នកជំងឺរលាកថ្លើម C រ៉ាំរ៉ៃ នឹងត្រូវក្រិនថ្លើម និងមហារីកថ្លើម។
៤-វីរុសរលាកថ្លើម C ឆ្លងតាមផ្លូវណា និងវិធានបង្ការ?
មានដល់៤០ភាគរយ ករណីឆ្លងវីរុស C មិនកំណត់បានមូលហេតុ។ ធម្មតាវីរុសរលាកថ្លើម C ឆ្លងតាមរយៈការប្រាស្រ័យជាមួយឈាមអ្នកឆ្លងជំងឺ ឬមានឧបករណ៍មិនបានសម្លាប់មេរោគមានឆ្លងវីរុស C ។ នៅប្រទេសជាច្រើន ប្រមាណ៨០ភាគរយ នៃករណីចម្លង មានប្រភពពីមន្ទីរពេទ្យ បន្ទប់ពិនិត្យសុខភាព មន្ទីរព្យាបាលធ្មេញ ... ។ ក្រៅពីនេះ ការដែលប្រើសឺរ៉ាំងចាក់គ្រឿងញៀន សាក់លើខ្លួនប្រាណ ឬប្រើរបស់រួមមួយចំនួន ដូចជាច្រាសដុសធ្មេញ កន្ត្រៃកាត់ក្រចក ... មានជាប់ឈាមអ្នកជំងឺ ក៏ជាមូលហេតុចម្លងវីរុសរលាកថ្លើម C ។ មួយចំនួនតូច ត្រូវឆ្លងតាមផ្លូវរួមភេទ តែពីសតែពាស ជាមួយនឹងមុខសញ្ញាឆ្លងវីរុស C ។ រហូតមកទល់សព្វថ្ងៃ ពុំទាន់មានវ៉ាក់សាំងចាក់បង្ការរលាកថ្លើម C ។ អាស្រ័យ ហេតុនេះ ការចៀសវាងប្រាស្រ័យជាមួយឧបករណ៍ប្រើប្រាស់ពាក់ព័ន្ធដល់ឈាមជាវិធានការ ជួរមុខ។
៥.ការព្យាបាលជំងឺរលាកថ្លើម C រ៉ាំរ៉ៃមានអ្វីថ្មី?
បច្ចុប្បន្នវិធីសាស្ត្រព្យាបាលត្រូវបានអនុវត្តនៅប្រទេសជាច្រើន គឺចាក់ Pegylate Inerferonalfa គួបផ្សំជាមួយ Ribavirin សម្រេចបានប្រសិទ្ធភាព ៥០-៦៣ភាគរយ។ ប៉ុន្តែប្រសិទ្ធភាពរបស់វិធីព្យាបាល នៅចំណុះទៅលើអម្បូរវីរុសនីមួយៗរបស់អ្នកជំងឺ។ ឧទាហរណ៍ៈ ចំពោះអម្បូរវីរុស C1, 4, 5, 6 ពេលវេលាព្យាបាល ៤៨សប្តាហ៍ ចំពោះអម្បូរ២, ៣ត្រូវការតែ ២៤សប្តាហ៍។ ថ្មីៗនេះ ក្នុងវិស័យស្រាវជ្រាវព្យាបាលរលាកថ្លើម C រ៉ាំរ៉ៃ សម្រេចបាននូវសមិទ្ធផលគួរឱ្យចាប់អារម្មណ៍។ ពួកអ្នកវិទ្យាសាស្ត្របានផលិតថ្នាំផឹក ២ប្រភេទ សម្រាប់ព្យាបាលរលាកថ្លើម C នោះគឺ telaprevir និង boceprevir ។ តាមរយៈការស្រាវជ្រាវជាក់ស្តែងបង្ហាញថា ថ្នាំ២ប្រភេទនេះ មានប្រសិទ្ធភាពជាង បើប្រៀបនឹងប្រភេទថ្នាំមុននេះ។ “ផលិតផលថ្មី២ នឹងត្រូវបានចុះបញ្ជីនៅអាមេរិក និងទ្វីបអឺរ៉ុប - ជាក្តីសង្ឃឹមសម្រាប់អ្នកជំងឺរលាកថ្លើម C រ៉ាំរ៉ៃ” លោក Robert Flisiak សាស្ត្រាចារ្យផ្នែកជំងឺឆ្លងមហាវិទ្យាល័យវេជ្ជសាស្ត្រ ប៉ូឡូញឱ្យដឹងដួច្នេះ។ ថ្នាំថ្មី២ប្រភេទ មានឥទ្ធិពលទប់ស្កាត់អង់ហ្ស៊ីម របស់វីរុសមិនឱ្យវារីកចម្រើន។ គួបផ្សំផលិតផលថ្មី២ ជាមួយវិធីព្យាបាលប្រពៃណី អាចជួយបង្កើនលក្ខណៈប្រសិទ្ធភាពដល់៧៥ភាគរយ ក្នុងករណីប្រើ telaprevir និង៦៥ភាគរយ ក្នុងករណីប្រើ boceprevir ។ ប្រការសំខាន់ជាងនេះទៀត គឺថ្នាំបង្ហាញប្រសិទ្ធភាពបំផុត ក្នុងករណីព្យាបាលដោយវិធីព្យាបាលប្រពៃណី នាំមកប្រសិទ្ធភាព ឬក្នុងករណី “ស៊ាំ” ថ្នាំ។ អ្នកវិទ្យាសាស្ត្រជាច្រើនកំពុងពិនិត្យកំណត់ប្រសិទ្ធភាព របស់ថ្នាំប្រឆាំងរលាកថ្លើម C ជំនាន់ថ្មី - នោះគឺ Interferon lambda (IFN-lambda) - ផលិតផលអាចជំនួស interferon alfa កំពុងប្រើប្រាស់បច្ចុប្បន្ននេះ។ IFN-lambda មានប្រសិទ្ធភាពជាង និងមិនបង្កឥទ្ធិពលបន្ទាប់បន្សំ ឱ្យអ្នកជំងឺឈឺពាសពេញខ្លួនប្រាណ, គ្រុនក្តៅ, ញ័រខ្លួន, ឈឺសន្លាក់ និងសាច់ដុំ។
៦.របបជីវជាតិសម្រាប់អ្នកជំងឺរលាកថ្លើម C រ៉ាំរ៉ៃ
ពុំមានរបបជីវជាតិរួមសម្រាប់អ្នកជំងឺរលាកថ្លើម C ទាំងអស់ទេ។ តាមពួកអ្នកជំនាញការអំពីរលាកថ្លើម C ពេលអ្នកជំងឺពុំទាន់ត្រូវក្រិនថ្លើម គួរមានរបបជីវជាតិធម្មតា។ ប៉ុន្តែដាច់ខាតត្រូវតមស្រា ។ តាមការស្រាវជ្រាវរបស់អាមេរិក សូម្បីតែ១០ក្រាមអាល់កុល រាល់ថ្ងៃ (ប្រហាក់ប្រហែលនឹង ២៥មិល្លីលីត្រ vodka ៤០ដឺក្រេ ឬ២០០មិល្លីលីត្រ ស្រាទំពាំងបាយជូរ) ក៏អាចធ្វើឱ្យកើនគួរសមនូវគ្រោះថ្នាក់ក្រិនថ្លើម សម្រាប់អ្នកជំងឺរលាកថ្លើម C រ៉ាំរ៉ៃ។ រហូតមកទល់សព្វថ្ងៃ មនុស្សជាច្រើននៅតែពុំទាន់បានដឹងថាអាហារ និងភេសជ្ជៈ ទាំងអស់ ពេលចូលក្នុងសរីរាង្គ សុទ្ធតែឆ្លងកាត់ថ្លើម (មួយចំនួនធំនៅតែ ចាត់ទុកថាអាហារចូលក្នុងក្រពះឆ្លង កាត់ពោះវៀនខ្ចី និងត្រូវបានកម្ចាត់ចេញក្រៅតាមផ្លូវពោះវៀនធំ - នេះគ្រាន់តែជាដំណើរការរំលាយអាហារធម្មតា ចំណែកដំណើរការរំលាយអាហារបន្សុទ្ធ គឺបណ្តាសារជាតិជីវជាតិពីអាហារ ត្រូវបានពោះវៀនខ្ចីស្រូបយកទៅក្នុងឈាម និងឆ្លងកាត់ថ្លើម។ ដូច្នេះ អ្វីដែលយើងបានបរិភោគ ផឹក សុទ្ធតែឆ្លងកាត់ថ្លើម រាប់ទាំងសារជាតិពិសពុល) ។ អាស្រ័យហេតុនេះ អ្នកជំងឺរលាកថ្លើម C ត្រូវប្រព្រឹត្តតាមគោលការណ៍ទាំងឡាយខាងក្រោមនេះ: -ចៀសវាងបរិភោគចំណីអាហារទុកយូរថ្ងៃ ស្អុយ ពពួកមើមផ្លែ ឈើត្រូវដុះផ្សិត(ពិសេសគឺសណ្តែកដីដុះផ្សិត) ទុកយូរក្នុងទូទឹកកក។ -មិនត្រូវបរិភោគឆ្អែតជ្រុល គួរបរិភោគតិចៗម្តង និងចែកជាច្រើនពេល ក្នុងមួយថ្ងៃៗ។ បរិភោគបន្លែផ្លែឈើសម្បូរសារជាតិរ៉ែ និងពពួកវីតាមីន។ -កំហិតការបរិភោគអាហារកែច្នៃជាតិគីមី ផ្អាប់ ពិសេសគឺពពួកសាច់, ត្រីប្រអប់ បង្កើនការបរិភោគអាហារស្រស់ ពុំទាន់ឆ្លងកាត់ការកែច្នៃ។ -កំហិតការបរិភោគស្ករ ជាតិខ្លាញ់ និងអំបិល មុននេះ មានមតិជាច្រើនក្នុងមជ្ឈដ្ឋានវេជ្ជសាស្ត្រចាត់ទុកថា អ្នកជំងឺរលាកថ្លើម C គួរបរិភោគអាហារខ្សត់ជាតិដែក ព្រោះវីរុសរលាកថ្លើម C ត្រូវការដែកបំផុតពេលកកើត។ មិនតែប៉ុណ្ណោះ ក៏មានការស្រាវជ្រាវវិទ្យាសាស្ត្រជាច្រើនបញ្ជាក់ថា បរិមាណជាតិដែកទាបក្នុងឈាម រារាំងការកកើតវីរុស C ។ ប៉ុន្តែថ្មីៗនេះ យោបល់ទាំងនេះបានត្រូវបដិសេធ ដោយសារ “គិតពីផលចំណេញ មិនគិតពីផលវិបាក” ព្រោះសារជាតិដែកជាសមាសធាតុសំខាន់របស់ឈាម ទទួលភារៈបញ្ជូនអុកស៊ីហ្សែនទៅពាសពេញសរីរាង្គ៕
គ្រោះថ្នាក់ចម្លងរោគថ្លើម C ពីម្តាយទៅកូនមិនខ្ពស់ឡើយ គឺប្រមាណតែ ៦ភាគរយ ។ គ្រោះថ្នាក់អាចកើនសមាមាត្រស្របជាមួយបរិមាណវីរុស រលាកថ្លើម C ក្នុងឈាមម្តាយ ហើយម្តាយកើតបន្ថែមជំងឺឆ្លងផ្សេងៗ។ ៤០-៥០ភាគរយ ករណីចម្លងប្រព្រឹត្តឡើងក្នុងពេលមានគភ៌។ ការជូតសម្អាតឈាមឱ្យទារកក្រោយពេលកើតឱ្យបានស្អាតក៏បន្ថយបាន គ្រោះថ្នាក់ចម្លងជំងឺ។ ម្តាយមានជំងឺរលាកថ្លើម C នៅតែអាចឱ្យកូនបៅដោះធម្មតា ព្រោះបរិមាណវីរុសក្នុងទឹកដោះម្តាយ មិនបង្កគ្រោះថ្នាក់ចម្លងឱ្យកូន ហើយប្រព័ន្ធរំលាយអាហាររបស់ក្មេង មានលទ្ធភាពបំផ្លាញគ្រោះថ្នាក់ចម្លងវីរុស។
២-ជំងឺរលាកថ្លើម C កំពុងក្លាយជារោគរាតត្បាត?
ត្រឹមត្រូវដូច្នេះមែន តាមការប៉ាន់ស្មានរបស់អង្គការសុខភាពពិភពលោក(WHO) ចំនួនអ្នកឆ្លងរលាកថ្លើម C លើពិភពលោកបច្ចុប្បន្ននៅកម្រិតប្រហាក់ប្រហែលពី២៥០ដល់៣០០ លាននាក់ ។ អត្រានេះកំពុងតែកើនឡើងពីមួយថ្ងៃទៅមួយថ្ងៃ ពិសេសនៅ បណ្តាប្រទេសមិនសូវរីកចម្រើន បណ្តាប្រទេសទ្វីបអាស៊ី ទ្វីបអាហ្វ្រិក និងកំពុងក្លាយជារោគរាតត្បាតលើក្របខ័ណ្ឌពិភពលោក (រាល់ឆ្នាំចំនួនអ្នកឆ្លងជំងឺគឺ៣-៤លាននាក់)។ ពួកជំនាញការរោគរាតត្បាតឱ្យដឹងថា រលាកថ្លើម C ជាជំងឺឆ្លងមួយក្នុងចំណោមជំងឺឆ្លងគ្រោះថ្នាក់បំផុត ព្រោះពេលបានឆ្លង វានឹងបន្សល់ទុកនូវផលវិបាកធ្ងន់ធ្ងរ ហើយជាង៧០ភាគរយ នៃចំនួនអ្នកឆ្លងមិនដឹងថាខ្លួនមានជំងឺរលាកថ្លើម C ខ្វះការបង្ការ កាន់តែធ្វើឱ្យកើនគ្រោះថ្នាក់ចម្លងឱ្យអ្នកដទៃ។ តាមការសិក្សាស្រាវជ្រាវមួយនៅប្រទេសទ្វីបអាស៊ី មួយចំនួនមានដល់៨៧ភាគរយ នៃអ្នកជំងឺរលាកថ្លើម C មិនដឹងថាខ្លួនកំពុងមានជំងឺ។ រលាកថ្លើម C នៅត្រូវបានហៅថា "ឃាតកសម្លាប់មនុស្សដោយស្ងៀមស្ងាត់" ទើបត្រូវបានរកឃើញនៅឆ្នាំ ១៩៨៩ បង្កឡើងដោយវីរុស Hepatitis C ជាមួយនឹង ១១អម្បូរផ្សេងៗគ្នា ។ ជាមួយនឹងលទ្ធភាព "បំបាំងកាយ" របស់ខ្លួន វាងាយស្រួលបញ្ឆោតប្រព័ន្ធអង្គបដិបក្ខរបស់សរីរាង្គមនុស្ស លុកលុយចូលកោសិកាថ្លើម បង្កការរលាក និងធ្វើឱ្យក្រិនថ្លើម។
៣-ការស្តែងចេញរោគសញ្ញាពេលឆ្លងរលាកថ្លើម C
ខុសពីការស្តែងចេញរោគសញ្ញាពេលត្រូវឆ្លងរលាកថ្លើម A , B - ស្បែកលឿង ភ្នែកលឿង ជាង៧០ភាគរយ ករណីរលាកថ្លើម C ខ្លាំង ពុំមានរោគសញ្ញាពិសេសប្រមាណ៣០ភាគរយ មានរោគសញ្ញាពុំច្បាស់លាស់ ដូចជារោគសញ្ញារបស់គ្រុនផ្តាសាយ។ ដូច្នេះហើយ ស្ទើរតែទាំងអស់នៃករណីឆ្លងរលាកថ្លើម C ត្រូវបានរកឃើញ គឺពេលមានរោគសញ្ញាធ្ងន់ធ្ងរ។ ក្រោយពេលត្រូវឆ្លងវីរុសរលាកថ្លើម C រយៈពេលសម្ងំជំងឺតែងអូសបន្លាយពី២ ដល់២៦ សប្តាហ៍ - នេះជាដំណាក់កាលឆ្លងបន្ទាន់។ ជំងឺអាចជាដោយខ្លួនឯង ក្រោយប៉ុន្មានសប្តាហ៍ ឬ ៦ខែ។ ប៉ុន្តែមានដល់៨០ភាគរយ ចំនួនអ្នកឆ្លងវីរុស C មិនកម្ចាត់ចេញជំងឺបានដោយខ្លួនឯង និងក្លាយជារលាកថ្លើម C រ៉ាំរ៉ៃ ។ វីរុសរលាកថ្លើម C ជាជំហានៗបំផ្លាញកោសិកាថ្លើមដោយស្ងៀមស្ងាត់ ហើយក្រោយរយៈពេល១០-៣០ឆ្នាំ មានដល់៣០ភាគរយ ចំនួនអ្នកជំងឺរលាកថ្លើម C រ៉ាំរ៉ៃ នឹងត្រូវក្រិនថ្លើម និងមហារីកថ្លើម។
៤-វីរុសរលាកថ្លើម C ឆ្លងតាមផ្លូវណា និងវិធានបង្ការ?
មានដល់៤០ភាគរយ ករណីឆ្លងវីរុស C មិនកំណត់បានមូលហេតុ។ ធម្មតាវីរុសរលាកថ្លើម C ឆ្លងតាមរយៈការប្រាស្រ័យជាមួយឈាមអ្នកឆ្លងជំងឺ ឬមានឧបករណ៍មិនបានសម្លាប់មេរោគមានឆ្លងវីរុស C ។ នៅប្រទេសជាច្រើន ប្រមាណ៨០ភាគរយ នៃករណីចម្លង មានប្រភពពីមន្ទីរពេទ្យ បន្ទប់ពិនិត្យសុខភាព មន្ទីរព្យាបាលធ្មេញ ... ។ ក្រៅពីនេះ ការដែលប្រើសឺរ៉ាំងចាក់គ្រឿងញៀន សាក់លើខ្លួនប្រាណ ឬប្រើរបស់រួមមួយចំនួន ដូចជាច្រាសដុសធ្មេញ កន្ត្រៃកាត់ក្រចក ... មានជាប់ឈាមអ្នកជំងឺ ក៏ជាមូលហេតុចម្លងវីរុសរលាកថ្លើម C ។ មួយចំនួនតូច ត្រូវឆ្លងតាមផ្លូវរួមភេទ តែពីសតែពាស ជាមួយនឹងមុខសញ្ញាឆ្លងវីរុស C ។ រហូតមកទល់សព្វថ្ងៃ ពុំទាន់មានវ៉ាក់សាំងចាក់បង្ការរលាកថ្លើម C ។ អាស្រ័យ ហេតុនេះ ការចៀសវាងប្រាស្រ័យជាមួយឧបករណ៍ប្រើប្រាស់ពាក់ព័ន្ធដល់ឈាមជាវិធានការ ជួរមុខ។
៥.ការព្យាបាលជំងឺរលាកថ្លើម C រ៉ាំរ៉ៃមានអ្វីថ្មី?
បច្ចុប្បន្នវិធីសាស្ត្រព្យាបាលត្រូវបានអនុវត្តនៅប្រទេសជាច្រើន គឺចាក់ Pegylate Inerferonalfa គួបផ្សំជាមួយ Ribavirin សម្រេចបានប្រសិទ្ធភាព ៥០-៦៣ភាគរយ។ ប៉ុន្តែប្រសិទ្ធភាពរបស់វិធីព្យាបាល នៅចំណុះទៅលើអម្បូរវីរុសនីមួយៗរបស់អ្នកជំងឺ។ ឧទាហរណ៍ៈ ចំពោះអម្បូរវីរុស C1, 4, 5, 6 ពេលវេលាព្យាបាល ៤៨សប្តាហ៍ ចំពោះអម្បូរ២, ៣ត្រូវការតែ ២៤សប្តាហ៍។ ថ្មីៗនេះ ក្នុងវិស័យស្រាវជ្រាវព្យាបាលរលាកថ្លើម C រ៉ាំរ៉ៃ សម្រេចបាននូវសមិទ្ធផលគួរឱ្យចាប់អារម្មណ៍។ ពួកអ្នកវិទ្យាសាស្ត្របានផលិតថ្នាំផឹក ២ប្រភេទ សម្រាប់ព្យាបាលរលាកថ្លើម C នោះគឺ telaprevir និង boceprevir ។ តាមរយៈការស្រាវជ្រាវជាក់ស្តែងបង្ហាញថា ថ្នាំ២ប្រភេទនេះ មានប្រសិទ្ធភាពជាង បើប្រៀបនឹងប្រភេទថ្នាំមុននេះ។ “ផលិតផលថ្មី២ នឹងត្រូវបានចុះបញ្ជីនៅអាមេរិក និងទ្វីបអឺរ៉ុប - ជាក្តីសង្ឃឹមសម្រាប់អ្នកជំងឺរលាកថ្លើម C រ៉ាំរ៉ៃ” លោក Robert Flisiak សាស្ត្រាចារ្យផ្នែកជំងឺឆ្លងមហាវិទ្យាល័យវេជ្ជសាស្ត្រ ប៉ូឡូញឱ្យដឹងដួច្នេះ។ ថ្នាំថ្មី២ប្រភេទ មានឥទ្ធិពលទប់ស្កាត់អង់ហ្ស៊ីម របស់វីរុសមិនឱ្យវារីកចម្រើន។ គួបផ្សំផលិតផលថ្មី២ ជាមួយវិធីព្យាបាលប្រពៃណី អាចជួយបង្កើនលក្ខណៈប្រសិទ្ធភាពដល់៧៥ភាគរយ ក្នុងករណីប្រើ telaprevir និង៦៥ភាគរយ ក្នុងករណីប្រើ boceprevir ។ ប្រការសំខាន់ជាងនេះទៀត គឺថ្នាំបង្ហាញប្រសិទ្ធភាពបំផុត ក្នុងករណីព្យាបាលដោយវិធីព្យាបាលប្រពៃណី នាំមកប្រសិទ្ធភាព ឬក្នុងករណី “ស៊ាំ” ថ្នាំ។ អ្នកវិទ្យាសាស្ត្រជាច្រើនកំពុងពិនិត្យកំណត់ប្រសិទ្ធភាព របស់ថ្នាំប្រឆាំងរលាកថ្លើម C ជំនាន់ថ្មី - នោះគឺ Interferon lambda (IFN-lambda) - ផលិតផលអាចជំនួស interferon alfa កំពុងប្រើប្រាស់បច្ចុប្បន្ននេះ។ IFN-lambda មានប្រសិទ្ធភាពជាង និងមិនបង្កឥទ្ធិពលបន្ទាប់បន្សំ ឱ្យអ្នកជំងឺឈឺពាសពេញខ្លួនប្រាណ, គ្រុនក្តៅ, ញ័រខ្លួន, ឈឺសន្លាក់ និងសាច់ដុំ។
៦.របបជីវជាតិសម្រាប់អ្នកជំងឺរលាកថ្លើម C រ៉ាំរ៉ៃ
ពុំមានរបបជីវជាតិរួមសម្រាប់អ្នកជំងឺរលាកថ្លើម C ទាំងអស់ទេ។ តាមពួកអ្នកជំនាញការអំពីរលាកថ្លើម C ពេលអ្នកជំងឺពុំទាន់ត្រូវក្រិនថ្លើម គួរមានរបបជីវជាតិធម្មតា។ ប៉ុន្តែដាច់ខាតត្រូវតមស្រា ។ តាមការស្រាវជ្រាវរបស់អាមេរិក សូម្បីតែ១០ក្រាមអាល់កុល រាល់ថ្ងៃ (ប្រហាក់ប្រហែលនឹង ២៥មិល្លីលីត្រ vodka ៤០ដឺក្រេ ឬ២០០មិល្លីលីត្រ ស្រាទំពាំងបាយជូរ) ក៏អាចធ្វើឱ្យកើនគួរសមនូវគ្រោះថ្នាក់ក្រិនថ្លើម សម្រាប់អ្នកជំងឺរលាកថ្លើម C រ៉ាំរ៉ៃ។ រហូតមកទល់សព្វថ្ងៃ មនុស្សជាច្រើននៅតែពុំទាន់បានដឹងថាអាហារ និងភេសជ្ជៈ ទាំងអស់ ពេលចូលក្នុងសរីរាង្គ សុទ្ធតែឆ្លងកាត់ថ្លើម (មួយចំនួនធំនៅតែ ចាត់ទុកថាអាហារចូលក្នុងក្រពះឆ្លង កាត់ពោះវៀនខ្ចី និងត្រូវបានកម្ចាត់ចេញក្រៅតាមផ្លូវពោះវៀនធំ - នេះគ្រាន់តែជាដំណើរការរំលាយអាហារធម្មតា ចំណែកដំណើរការរំលាយអាហារបន្សុទ្ធ គឺបណ្តាសារជាតិជីវជាតិពីអាហារ ត្រូវបានពោះវៀនខ្ចីស្រូបយកទៅក្នុងឈាម និងឆ្លងកាត់ថ្លើម។ ដូច្នេះ អ្វីដែលយើងបានបរិភោគ ផឹក សុទ្ធតែឆ្លងកាត់ថ្លើម រាប់ទាំងសារជាតិពិសពុល) ។ អាស្រ័យហេតុនេះ អ្នកជំងឺរលាកថ្លើម C ត្រូវប្រព្រឹត្តតាមគោលការណ៍ទាំងឡាយខាងក្រោមនេះ: -ចៀសវាងបរិភោគចំណីអាហារទុកយូរថ្ងៃ ស្អុយ ពពួកមើមផ្លែ ឈើត្រូវដុះផ្សិត(ពិសេសគឺសណ្តែកដីដុះផ្សិត) ទុកយូរក្នុងទូទឹកកក។ -មិនត្រូវបរិភោគឆ្អែតជ្រុល គួរបរិភោគតិចៗម្តង និងចែកជាច្រើនពេល ក្នុងមួយថ្ងៃៗ។ បរិភោគបន្លែផ្លែឈើសម្បូរសារជាតិរ៉ែ និងពពួកវីតាមីន។ -កំហិតការបរិភោគអាហារកែច្នៃជាតិគីមី ផ្អាប់ ពិសេសគឺពពួកសាច់, ត្រីប្រអប់ បង្កើនការបរិភោគអាហារស្រស់ ពុំទាន់ឆ្លងកាត់ការកែច្នៃ។ -កំហិតការបរិភោគស្ករ ជាតិខ្លាញ់ និងអំបិល មុននេះ មានមតិជាច្រើនក្នុងមជ្ឈដ្ឋានវេជ្ជសាស្ត្រចាត់ទុកថា អ្នកជំងឺរលាកថ្លើម C គួរបរិភោគអាហារខ្សត់ជាតិដែក ព្រោះវីរុសរលាកថ្លើម C ត្រូវការដែកបំផុតពេលកកើត។ មិនតែប៉ុណ្ណោះ ក៏មានការស្រាវជ្រាវវិទ្យាសាស្ត្រជាច្រើនបញ្ជាក់ថា បរិមាណជាតិដែកទាបក្នុងឈាម រារាំងការកកើតវីរុស C ។ ប៉ុន្តែថ្មីៗនេះ យោបល់ទាំងនេះបានត្រូវបដិសេធ ដោយសារ “គិតពីផលចំណេញ មិនគិតពីផលវិបាក” ព្រោះសារជាតិដែកជាសមាសធាតុសំខាន់របស់ឈាម ទទួលភារៈបញ្ជូនអុកស៊ីហ្សែនទៅពាសពេញសរីរាង្គ៕
Comments
Post a Comment